ថ្ងៃសៅរ៍ ទី២៤ ខែកុម្ភៈ ឆ្នាំ២០៥០
ចាងហ្វាងការផ្សាយ ៖ លោក លាង គីម / ការិយាល័យនិពន្ធ ៖ 090 90 53 33
បន​ល្បែងស៊ីសង​ដុះ​ស្លែ​ពីរ​កន្លែង​ក្នុង​ខណ្ឌ​ច្បារអំពៅ ប្រហែលជា​មាន​ភាគរយ​របស់​មន្ត្រី​មូលដ្ឋាន​ហើយ​ទើបបាន​ជា​បណ្ដោយឱ្យ​បើក​ដំណើរការ​ជាធម្មតា​
Tue,05 December 2023 (Time 04:29 PM)
ដោយ ៖ CTV Online ទូរស័ព្ទទំនាក់ទំនង ​៖ ០១១ ៣៩ ១៩ ៤៥ (ចំនួនអ្នកអាន: 92នាក់)

ទីតាំង​បន​ល្បែងស៊ីសង​ដុះ​ស្លែ​ពីរ​កន្លែង​ធំៗ (​ឆ្នោត​ឡូតូ ជល់​មាន់ បៀ​រកា​រ៉ាត់ ចាក់បាល់​បើក​លេង​តាម​ប្រពន្ខ័​អន​ឡាញ Online ខុសច្បាប់ តាម​បណ្ដោយ​ផ្លូវ​លេខ​៣៦៩ ភូមិ​ដើម​ចាន់ និង​ភូមិ​ចំ​បាក់ សង្កាត់​ច្បារ​អំពៅ​ពីរ ខណ្ឌ​ច្បារអំពៅ រាជធានី​ភ្នំពេញ កំពុងតែ​សប្បាយ​ចិត្ត កើប​លុយ​ពី​ប្រជាពលរដ្ឋ និង​មហាជន​នៅក្នុង​ខណ្ឌ​ច្បារអំពៅ និង​កំពុងតែ​បង្ក​បង្កើន​នូវ​ភាពអសន្តិសុខ​ក្នុង​ខណ្ឌ​ច្បារអំពៅ​ដូចជា​ក្នុង​រាជធានី​ភ្នំពេញ​ទាំងមូល ។​
​ទី​តាំងទី 1 នៅ​ភូមិ​ដើម​ចន្ទ ទី​តាំងទី 2 នៅ​ភូមិ​ច្រាំង​ប៉ាក់ សង្កាត់​ច្បារ​អំពៅ​ពីរ ខណ្ឌ​ច្បារអំពៅ​រាជធានី​ភ្នំពេញ​។​

​តាម​ប្រភព​ព័ត៌មាន​ដែល​សារព័ត៌មាន​យើង​ទទួលបាន​ពី​ប្រជាពលរដ្ឋ និង​មហាជន បាន​បញ្ជាក់​ប្រាប់ថា ទីតាំង​នោះ បាន​បើក​ដំណើរការ​យូរអង្វែង​ណាស់​មកហើយ ដោយ​មិន​ដែល​ឃើញ​មាន​អាជ្ញាធរ និង​សមត្ថកិច្ច​មូលដ្ឋាន​ពាក់ព័ន្ធ​ណាមួយ​មក​បង្ក្រាប​ឡើយ ។​

​ប្រភព​ដដែល​បាន​បញ្ជាក់ទៀតថា រាល់ថ្ងៃ​ពួកគាត់​សង្កេតឃើញថា ទីតាំង​ទាំង​ពីរ​កន្លែង​នោះ មាន​ចម្ងាយ​ពី​គ្នា​ប្រមាណ​ជាង 100 ម៉ែត្រ​ហើយ​ពួក​គាត់​សង្កេត​ឃើញ​ទៀតថា រាល់ថ្ងៃ​ឃើញ​មាន​មនុស្ស​ចូល​លេង​រាប់រយ​នាក់​ក្នុង​មួយថ្ងៃៗ គឺ​មាន​ទាំង​ក្មេង​មាន​ទាំងចាស់​ទាំងប្រុស​ទាំងស្រី ដោយ​មាន​អ្នកខ្លះ​ចាញ់​រហូត​ដល់​លក់​អស់​ទ្រព្យសម្បត្តិ ថែមទាំង​មាន​ចិត្ត​វិបល្លាស​ប្រែប្រួល​ចរិត មិន​ប្រក្រតី​អាច​នឹង​ចេញ​ទៅ​លួច​ឆក់​ប្លន់​ថ្ងៃ​ណាមួយ​ក៏​មិនដឹង ។​

​ប្រជាពលរដ្ឋ​និង​មហាជន​ជាច្រើន​ក្នុង​មូលដ្ឋាន​កំពុង​មាន​ការព្រួយបារម្ភ​យ៉ាងខ្លាំង​ចំពោះ​វត្ត​មាន​ល្បែងស៊ីសង​ខុសច្បាប់​ទាំងនោះ​ដែល​កំពុង​បើក​ដំណើរការ​ដោយ​រលូន​និង​មិនទាន់​មាន​អាជ្ញាធរ និង​សមត្ថកិច្ច​មូលដ្ឋាន​ពាក់ព័ន្ធ​ណា​ហ៊ាន​មក​បង្ក្រាប​ឡើយ ។​

​ពាក់ព័ន្ធ​ទៅនឹង​បទល្មើស​ល្បែងស៊ីសង​ខុសច្បាប់​នេះ ប្រជាពលរដ្ឋ​និង​មហាជន​សូម​សំណូមពរ​ដល់​លោក ចេង មុន្នី​រ៉ា អភិបាល​នៃ​គណៈ​អភិបាលខណ្ឌ​ច្បារអំពៅ និង​លោក​វរៈសេនីយ៍ឯក ម៉ៅ សឿត អធិការ​នគរបាល​ខណ្ឌ​ច្បារអំពៅ សុំ​លោក​ដឹកនាំ​កម្លាំង​ចុះបង្ក្រាប​ទីតាំង​បង​ល្បែងស៊ីសង​ខុស​ច្បាប់​ទាំងនោះ​ផង ជៀសវាង​មាន​ការរិះគន់​ពី​សំណាក់​ប្រជាពលរដ្ឋ និង​មហាជន​ថា អាជ្ញាធរ​និង​សមត្ថកិច្ច​មូលដ្ឋាន​ពាក់ព័ន្ធ​ខណ្ឌ​ច្បារអំពៅ​ឃុបឃិត​គ្នា​ជាមួយ​បទល្មើស​យកលុយ​ដាក់​ហោប៉ៅ​បង្កើត​បក្សពួក​ស៊ី​ជា​ប្រព័ន្ធ​អាច​នឹង​កើត​ជា​អំពើ​ពុករលួយ​ដែល​រដ្ឋាភិបាល​កំពុង​តែ​បោសសំអាត ។​