ខេត្តកណ្ដាល ៖ បើតាមសេចក្ដីរាយការណ៍ពីប្រជាពលរដ្ឋនិងមហាជនបានឲ្យដឹងថា នៅក្នុងភូមិសាស្ត្រភូមិលេខ 1 សង្កាត់ស្វាយរលំ ហៅភូមិយួន ហៅបឹងឈូក ក្រុងតាខ្មៅ ខេត្តកណ្ដាល មានទីតាំងបនល្បែងស៊ីសងជល់មាន់ ឆ្នោតឡូតូ និងបៀការ៉ាត់បើកលេងតាមប្រព័ន្ធអនឡាញ(onljne)ខុសច្បាប់ អាជ្ញាធរនិងសមត្ថកិច្ចមូលដ្ឋានពាក់ព័ន្ធមិនហ៊ានធ្វើការទប់ស្កាត់និងបង្ក្រាបនោះទេ ទោះបីជាប្រមុខរាជរដ្ឋាភិបាលកម្ពុជាបានដាក់បទបញ្ជាតឹងរឹងត្រូវតែបង្ក្រាបបនល្បែងស៊ីសងគ្រប់ប្រភេទនៅទូទាំងប្រទេសឲ្យអស់ក៏ដោយ ។ ទីតាំងបនល្បែងស៊ីសងគ្រប់ប្រភេទជល់មាន់ឆ្នោតម៉ូតូនិងបៀរការ៉ាត់បើកលេងតាមប្រព័ន្ធអនឡាញខុសច្បាប់ ដែលមិនអាចអាជ្ញាធរនិងសមត្ថកិច្ចមូលដ្ឋានពាក់ព័ន្ធខាងលើនេះ គឺមានទីតាំងស្ថិតនៅក្នុងភូមិសាស្ត្រភូមិលេខ 1 ហៅបឹងឈូក ហៅភូមិយួន សង្កាត់ស្វាយរលំ ក្រុងតាខ្មៅ ខេត្តកណ្ដាល ។ប្រភពពីប្រជាពលរដ្ឋនិងមហាជនបានឲ្យដឹងថា ទីតាំងបនល្បែងស៊ីសងខាងលើនេះ ប្រមូលផ្ដុំគ្នាលេងជាហូរហែ មិនថា:ថ្ងៃសុក្រសៅរ៍ពោលគឺ 7 ថ្ងៃក្នុងមួយសប្តាហ៍គឺចាប់ផ្ដើមលេងពីម៉ោង 8:00 ព្រឹករហូតដល់ម៉ោង 12:00 យប់ពីរវេនឆ្លាស់គ្នានិងមានភ្នាល់ដាក់លុយយ៉ាងច្រើនសន្ធឹកសន្ធាប់ជារៀងរាល់ថ្ងៃ ។ នេះក៏ជាសាររបស់ប្រជាពលរដ្ឋ និងមហាជនមួយផងដែរជូន លោក គង់ សោភ័ណ្ឌ អភិបាលនៃគណៈអភិបាលខេត្តកណ្ដាល លោក ឈឿន សុខចិត្ត ស្នងការនគរបាលខេត្តកណ្ដាល លោក សម តុលា មេបញ្ជាការកងរាជអាវុធហត្ថខេត្តកណ្ដាល លោក ឃឹម សំភារ អភិបាលនៃគណៈអភិបាលក្រុងតាខ្មៅ និងលោក យី វណ្ណដា អធិការនគរបាលក្រុងតាខ្មៅ ដើម្បីបើកការស្រាវជ្រាវទីតាំងបនល្បែងស៊ីសងជល់មាន់ឆ្នោតឡូតូ និងបៀរការ៉ាត់ខាងលើនេះផងដែរ ព្រហើនមិនខ្លាចច្បាប់ក៏ដូចជាចូលរួមគោរពច្បាប់ទៅតាមបទបញ្ជារបស់សម្ដេចតេជោ ហ៊ុន សែន អតីតនាយករដ្ឋមន្ត្រីនៃព្រះរាជាណាចក្រកម្ពុជា ។ប្រជាពលរដ្ឋនិងមហាជនមានការព្រួយបារម្ភជាខ្លាំងខ្លាចប្ដីនិងកូនពួកគាត់ បោះបង់ការងារចោលនាំគ្នាមកលេងល្បែងស៊ីសងជល់មាន់ឆ្នោតឡូតូ និងបៀរការ៉ាតតាមប្រព័ន្ធអនឡាញខុសច្បាប់ខាងលើនេះ ជាហេតុខ្លាចកើតមានអំពើចោរកម្មនិងបទល្មើសផ្សេងៗ ដូចជាចោរលួចចោរឆក់ចោរប្លន់និងចោលគាស់ផ្ទះនិងអំពើហិង្សាក្នុងគ្រួសារវាដើម ទើបពួកគាត់បានលើកឡើងថា ឯណាទៅភូមិឃុំសង្កាត់មានសុវត្ថិភាពទាំង 7 ចំណុចរបស់រាជរដ្ឋាភិបាលកម្ពុជាដាក់ចេញដោយក្រសួងមហាផ្ទៃ ។អង្គភាពសារព័ត៌មានយើងផ្សព្វផ្សាយតាមប្រជាជីវៈអ្នកសារព័ត៌មានរិះគន់ក្នុងន័យស្ថាបនា មិនមានចេតនាញុះញង់ បំបែកបំបាក់បុគ្គលឬស្ថាប័នអង្គភាពមួយណាឡើយ ។ សូមអរគុណ៕
ព័ត៌មានគួរចាប់អារម្មណ៍
សារលិខិតសម្តេចកិត្តិព្រឹទ្ធបណ្ឌិត ផ្ញើជូនជនរួមជាតិ ក្នុងឱកាសទិវាពិភពលោកប្រយុទ្ធនឹងជំងឺអេដស៍ ១ធ្នូ ឆ្នាំ២០២១ ()
វីដែអូ